Global Firepower аскердик-аналитикалык порталы түзгөн дүйнө өлкөлөрүнүн арасында Кыргызстан аскердик кубаттуулук боюнча 105-орунга чыкты.
Изилдөө 145 өлкөнү камтыйт жана 60тан ашык параметрлерди, анын ичинде куралдуу күчтөрдүн көлөмүн, аскердик бюджетин, техниканын көлөмүн жана материалдык-техникалык камсыздоонун деңгээлин эске алат.
Борбор Азия мамлекеттеринин ичинен Казакстан рейтингде эң жогорку позицияны ээлеп, 57-орунда турат. Өзбекстан 58-орунда, Түркмөнстан 77-орунда, Тажикстан 108-орунда турат.
Дүйнөлүк рейтингдин лидерлери АКШ, Орусия жана Кытай бойдон калууда. Ошондой эле алдыңкы ондукка Индия, Түштүк Корея, Улуу Британия, Франция, Япония, Түркия жана Италия кирди.
