Мурдагы күйөөсү тарабынан кулак-мурду кесилген Асел Ногойбаевага 17-январда үчүнчү операция жасалат
Ал бул тууралуу соцтармактагы баракчасында билдирди.
“Келбетим акырындап калыбына келе баштады. Мага жардамын аябаган биздин жана Москванын врачтарына ыраазымын”, — деген Ногойбаева.
Үй-бүлөлүк зомбулукка кабылган Аселге былтыр октябрда Москвада пластикалык операциянын биринчи этабы жасалган. Ага бир нече оор жана кымбат операция жасоо талап кылынары айтылган эле.
Эске салсак, 2023-жылдын сентябрында Асел Ногойбаева Сокулуктагы үйүндө мурдагы күйөөсү Азамат Эстебесов тарабынан бычакталып, кулак-мурду кесилген. Эстебесов 20 жылга кесилип, Ногойбаевага компенсация катары 2 млн сом төлөп берүүгө милдеттендирилген.
