Чүй облусунун Аламүдүн районунда адам өлтүрүүгө шектелген жарандар кармалды.
Окуя 21-октябрда кечке жуук болгон. Окуя болгон жерге барган милиция кызматкерлери болжол менен 40 жаштагы киши бычактан жараат алып, каза болгонун көрүшкөн.
Бул ишке шектүү катары маркум менен чогуу ичимдик ичип отурган 34 жаштагы У.Б. жана 48 жаштагы К.Р. аттуу жарандар кармалган. Алардын бири качып бара жаткан жеринен, экинчиси үйүнөн колго түшүрүлгөн. Дагы бир шектүүнү издөө иштери уланууда.
