Түркиянын Карталкая тоо лыжа базасындагы мейманканадан чыккан өрт өчүрүлүп, адистер издөө иштерин аякташты. Каза болгондордун саны 76 кишиге жеткенин, өлкөдө улуттук аза күтүү жарыяланганын Түркиянын ички иштер министри Али Эрликая билдиргенин TRT Haber жазды.
Министр өрттүн себебин иликтөөнүн алкагында 9 адам кармалганын билдирди. Окуя болгон жерге инспекторлор барып, кемчиликтерди издөө үчүн бул мейманкананын биринчи күндөн бүгүнкү күнгө чейинки курулуш процессин изилдеп жатышат. Жыйынтыгы административдик иликтөө аяктагандан кийин чыгарылат.
