2025-жылдан тарта автотранспорттун милдеттүү камсыздандыруу жөнүндө келишими (ОСАГО) жокторго айып салынат. Бул тууралуу Финансы рыногун жөнгө салуу жана көзөмөлдөө мамлекеттик кызматынан билдиришти.
Маалыматка ылайык, айыптын өлчөмү 3 миң сом. Юридикалык жактардын унаалары үчүн бул норма 2023-жылдын 1-апрелинен бери иштеп келет. Аларга ОСАГОсу жок болгону үчүн 13 миң сом айып каралган.
ОСАГО — автоунаа ээлеринин жарандык-укуктук жоопкерчилигин камсыздандыруу. Бийлик машинасын камсыздандырбаган айдоочуларга мурда эле айып пул салууну пландап, бирок ал аракети улам жылдырылып келген.
