Бүгүн, 30-декабрда Ат-Башы районуна караштуу Ак-Жар айылында таштандыны кайра иштетүүчү ишкана ачылды.
Ишкана полиэтилен баштыгын жана желим бөтөлкөлөрдү ээритип, кум аралашмасы менен брусчатка чыгарат. 5 жаңы жумушчу орун түзүлдү. Бир айда болжолдуу 4500 даана брусчатка чыгарууну пландалып жатат.
Долбоорго Ат-Башы айыл өкмөтүнүн жергиликтүү бюджетинен 1 млн 500 миң сом, ал эми АРИСтин кошумча каржылоосунун алкагында 4 млн 100 миң сомго таштандыны кайра иштетүүдө керектелүүчү жабдуулары алынган.
