Талас облусундагы Беш Таш капчыгайында минералдык сууну кайра иштетүүчү «Беш-Таш-Кайыңды» заводун куруу пландалууда.
Айыл өкмөтү курулуш иштерине тендер жарыялап, заводдун сметалык наркы 9 млн. 690 миң 186 сомдү түздү. Тендерге катышуу үчүн арыз берүү мөөнөтү 30-августта аяктайт.
Маалымдама: Беш-Таш коругу — Талас тоо кыркасында жайгашкан ири жаратылыш паркы. Ал Талас шаарынын түштүк тарабында жайгашып, өзүнө Беш-Таш, Колба, Күмүш-Таг жана Урмарал капчыгайларын камтыйт. Корук деңиз деңгээлинен 1100 метрден 3500 метрге чейинки жогору бийиктикте жайгашкан.
Коруктун курамында 8 тоо көлү бар, алардын эң чоңу Беш-Таш капчыгайында жайгашкан Беш-Таш көлү.
