Президенттин «Мейкин» сыйлыгын тапшыруу аземи 17-декабрда Садыр Жапаровдун катышуусунда өтөт.
Бүгүн сынактын жыйынтыгын чыгарууга арналган маалымат жыйын өтүп, анда комиссия мүчөлөрү материалдарды калыс баалоого шарт түзүлүп, басым-кысым болбогонун белгилешкен.
Аталган сыйлык журналисттер үчүн президент тарабынан негизделген. Быйыл биринчи жолу өтүп жатат. Демилге медиа жана журналистика жаатында чыгармачылыкты колдоо, жетишкендиктерди таануу, журналисттик кесиптин беделин жогорулатуу максатында иштелип чыккан.
«Мейкин» сый акысы жыл сайын берилип турмакчы. Сыйлыктын байге фонду 10 млн сомдон ашып, 10 номинациянын ар бирине 1 млн сомдон сый акы каралган.
