Кыргызстандын Америка жана Канададагы элчиси Бактыбек Аманбаев Вшингтондо ЮСАИДдин Кыргызстанга жаңы дайындалган директору Сара Верс жана администраторунун жардамчысынын орун басары Анджали Каур менен жолугушту.
Элчиликтен билдиришкендей, жолугушуунун жүрүшүндө тараптар Кыргызстан менен ЮСАИДдин ортосундагы кызматташтыктын учурдагы абалын талкуулап, мындан аркы ишке ашыруу пландарын белгилешти.
Элчи Аманбаев билим берүү, инвестицияларды жана жаңы технологияларды тартууга басым жасоо менен ЮСАИДдин долбоордук жана программалык ишмердүүлүгүн өлкөнүн аймактарына жайылтууну сунуштады.
Мындан тышкары, ЮСАИД менен мындан аркы кызматташуунун келечеги жана приоритеттери боюнча пикир алмашуу болду.
