11-августта Жалал-Абад облусунун Ноокен району аркылуу өткөн Бишкек — Ош автожолунун 487-чакырымында болгон автокырсыктан алты адам мүрт кетти.
Маалыматка караганда, SsangYong Korando үлгүсүндөгү автоунааны Бишкектен Ош тарапка айдап бараткан 41 жаштагы айдоочу каршы тилкеге чыгып кетип, Renault Premium машинесин сүзгөн.
SsangYong Korando автоунаасынын айдоочусу жана төрт жүргүнчү кырсык болгон жерден каза тапкан. Бир адам Шамалды-Сай шаарынын ооруканасынын жандандыруу бөлүмүндө үзүлгөн.
