Чүй облусунун Сокулук районундагы Манас айылында мектеп-лицейдин кошумча корпусу курулуп жатат.
Мамкурулуш агенттигинен билдиришкендей, объекттин курулушу 2019-жылы башталып, республикалык бюджеттин эсебинен каржыланууда
Бүгүнкү күндө имараттардын 2-кабатынын дубалдары тургузулуп, темирбетон плиталарын орнотуу иштери жүргүзүлүп жатат. Үстүбүздөгү жылы курулушту толук бүткөрүү пландалууда.
Курулуш-монтаждоо иштерин “Строй Компания Лидер Хаус” ЖЧКсы жүргүзүүдө. Долбоорго ылайык, төрт эки кабаттуу окуу корпустар жана ашкана 500 орунга ылайыкталган, жалпы аянты 3003 чарчы метрди түзөт.
