Бишкектин Сүйүмбаев көчөсүндө авариялык кырдаалга байланыштуу таза суу берүү убактылуу токтотулду.
Муниципалитеттен билдиришкендей, учурда «Бишкексууканал» ишканасынын кызматкерлери таза суу түтүктөрүн жана кудукта жайгашкан диаметри 400 мм болгон түтүкчөдөгү жарака кеткен жерди оңдоодо.
“Бишкексууканал” муниципалдык ишканасы келтирилген ыңгайсыздыктар үчүн кечирим сурайт. Бардык аракеттер ишти тез арада бүткөрүүгө жана суу менен камсыздоону калыбына келтирүүгө багытталат.
