Бишкектеги №72 Абдыкерим Сыдыков атындагы мектеп-гимназиясынын окуучулары Түркия Улуу Улуттук Жыйынынын ачылышынын 104 жылдыгын жана 23-апрель Улуттук эгемендүүлүк жана балдарды коргоо күнүн “Манас” университетинде өзгөчө шаң менен белгилешти.
Ректор, профессор Алпаслан Жейлан жаш жеткинчектерди чоң кубаныч менен тосуп алып, бул күнү кызматтык креслосун 1-класстын окуучусу Сумая Сакмурзаевага тапшырды. Сумая Сакмурзаева университетте балдар убакыт өткөрө турган аянтчалардын санын көбөйтүүлөрүн каалады.
Майрамдын алкагында башталгыч класстын окуучулары “Манас” университетинин проректору жана башкы катчысы менен да жолугушушту.
Жолугушуудан кийин Алпаслан Жейлан балдар менен биргеликте “Манас” университетинин социалдык курулуштар имаратында тамактанып, 23-апрель Улуттук эгемендүүлүк жана балдарды коргоо күнүнүн кубанычына ортоктош болду.
