Быйыл Саламаттык сактоо министрлигинин бюджети 42 млрд. сомго жетти. Бул тууралуу ведомстводон билдиришти.
«Бул өсүш тармактын каржылоо деңгээлинин олуттуу жакшырганын далилдейт. 2025-жылга карата саламаттыкты сактоо системасынын бюджети 46 млрд. сомго жетери болжолдонууда», — деп айтылат маалыматта.
Маалыматка ылайык, мындай көрсөткүч 2019-жылга салыштырмалуу 2,2 эсеге өскөнүнөн кабар берет. Анда министрликтин бюджети 19 млрд сомду түзгөн.
