Баткенде сел жүрүп, бир катар жолдор жабылды. Бул тууралуу Транспорт жана коммуникациялар министрлигинен билдиришти.
Маалыматка караганда, Баткен облусунда нөшөрлөп жааган жамгырдан улам Айгүл-Таш-Согмент-Таян, Сох-Кан-Зардалы, Коргон-Катран-Баул унаа жолдорунда сел жүрүп, учурда жол жабык. Жерине аймакты тейлеген жолчулар жана атайын техникалар тартылды.
Ошондой эле Ош-Баткен-Раззаков унаа жолунун 313-330-чакырым аралыгы жана жолдун Баткен-Боз-Адыр тилкесинде каттам убактылуу токтоду.
