Кара-Сууда аялы менен кайненесин таяк менен сабаган киши 7 суткага камалганын милициядан кабарлашты.
64 жаштагы аял тартип сакчыларына арыз менен кайрылып, күйөө баласы сабаганын айткан. Экспертиза анын ден соолугуна жеңил зыян келтирилгенин аныктаган.
Шектүүгө карата “Ден соолукка атайылап анча оор эмес залал келтирүү” беренеси менен айып коюлган.
Ага каршы аялын да ур-токмокко алуу фактысы боюнча тергөөгө чейинки текшерүү иштери жүрүп жатат.
2-декабрда Кара-Суу райондук ички иштер бөлүмүнө 24 жаштагы келин кайрылып, жолдошу денесине залал келтиргенин билдирген. Жабырлануучуга соттук-медициналык экспертиза дайындалган. Анын жыйынтыгы менен кылмыш ишин козгоо маселеси каралат.
11-декабрда социалдык тармактарда көзү-башы көк ала болгон келиндин видеосу тараган. Ал тасмада күйөөсү аны жана апасын сабаганын айтып жатканын көрүүгө болот.
