Бишкектеги “Вефа” соода борборунда өрт чыкты.
Өзгөчө кырдаалдар министрлигинен маалымдашкандай, Байтик баатыр көчөсүндөгү “Вефа” соода борборунун 3-кабатында жайгашкан “Oz Huzur Sukuret” кафесинен өрт чыккан.
Маалымат түшөр замат өрттү өчүрүүгө 2 бөлүм, автошаты жана штаб тартылды.
Кафенин аба сордургучунан тутанган тилсиз жоо саат 10:52де толук өчүрүлдү. Өрттүн жалпы аянты болжол менен 15 чарчы метрди түзөт. Соода борбордон 150дөй адам эвакуацияланган. Жабыркагандар жок.
