Астанада өтүп жаткан V Дүйнөлүк көчмөндөр оюндарында Кыргызстандын курамасы көкпар боюнча мелдеште Монголияны 16:0 эсебинде жеңди.
Белгилей кетсек, кыргызстандыктар спорттун бул түрүнөн алдыңкы атаандаштардын бири экени маалым. Кыргыз спортчуларынын башкы атаандашы болуп Казакстандын курамасы эсептелет. Казактар да өзбекстандыктарды ишенимдүү түрдө 16:0 эсебинде утту.
Көкпар боюнча таймашка 9 мамлекет: Кыргызстан, Казакстан, АКШ, России, Өзбекстан, Венгрия, Кытай, Монголия жана Түркия катышууда.
Кыргыз улуттук «Кабар» маалымат агенттиги – ДКО-2024 мелдешинин эл аралык маалыматтык өнөктөшү.
