Күн мурун болжол менен саат 15:20 чамасында Бишкек – Нарын – Торугарт унаа жолунун 51-чакырымында беш унаанын катышуусунда жол кырсыгы катталган.
Жол кыймылынын коопсуздугун камсыздоо башкы башкармалыгынан билдиришкендей, кырсыкка катуу бара жаткан “Субару Аутбэк” үлгүсүндөгү унаанын дөңгөлөгү жарылып кеткендиги себеп болгон.
“Субару-Аутбэк”, 2 “Мерседес-Бенц спринтер”, “Тойота-Камри” жана “Тойота-Вокси” үлгүсүндөгү 5 авто унаанын катышуусунда жол кырсыгы катталган.
Аталган унаа батыштан чыгышты көздөй бара жатып, алдыңкы сол дөңгөлөгү жарылып, каршы тилкеге чыгып, “Мерседес-Бенц спринтер” үлгүсүндөгү унаа менен сүзүшкөн. Ошондой эле “Мерседес-Бенц спринтер” “Тойота-Камри” жана “Тойота-Вокси” үлгүсүңдөгү унаалар жол кырсыгына учураган.
Кырсыктан 7 адам көз жумуп, 6 жаран ар кандай жаракаттарды алган.
Азыркы учурда тийиштүү экспертизалар дайындалып, тергөө амалдары жүргүзүлүүдө.
