Айтматов районунун Көк-Сай айылындагы 140 орундуу бала бакчанын курулушу бүткөрүлдү. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, объекттин курулушу 2017-жылы республикалык бюджеттин эсебинен башталган.
Долбоор боюнча имараттын жалпы аянты 1481 чарчы метрди түзөт. Эки кабаттуу жана бардык шарттары менен курулду. Курулуш-монтаждоо иштери «Ак-Ниет» ЖЧКсы тарабынан аткарылды.
