Тамчы айылынын аймагына Балыкчы шаарындагы полигондо машыгуу учурунда колдонулуп жаткан тактикалык мини-дрон кулады. Бул туурасында УКМКнын маалымат кызматынан кабарлашты.
Атайын кызматтын айтымында, техника Тамчы аэропортуна кирип келе жатканда кырсыктаган.
Жабыркагандар жок. Сыноо жүргүзүп жаткан адистердин тобу окуянын себебин иликтемекчи.
УКМКдан Чек ара кызматынын карамагындагы Bayraktar зыянга учурабагандыгын (талкаланбагандыгын) айтышты.
Учурда Тамчы аэропортунун аймагы күйүп кеткен мини-дрондун калдыктарынан тазаланып жатканын кошумчалашты.
