Кыргызстанда учурда Индиянын 11 миң, Пакистандын 12 миң 970 жараны бар. Бул тууралуу тышкы иштер министринин орун басары Алмаз Имангазиев Жогорку Кеңештин Социалдык саясат боюнча комитетинин жыйынында билдирди.
Анын айтымында, алардын арасында студенттер менен жумушчулар да бар. Депутат Илимбек Кубанычбеков алардын канчасы милдеттүү медициналык камсыздандыруу полисин сатып алганын сурап, 7996 чет элдик студент полистерди сатып алганы белгилүү болду.
