Индияда өтүп жаткан фестивалда пил адамдарга кол салып, 17 киши жабыркаган. Алардын биринин абалы оор.
Видеодо жаалданган пил адамдарга тап берип, бирин тумшугу менен бутунан алып, ары-бери чайпап, андан соң ыргытып жибергендиги көрүнөт.
Жабыркагандардын көбү дүрбөлөңгө түшкөн учурда түртүшүүдөн жаракат алышкан. Ачууланган пилди 2 сааттан кийин гана тынчтандырууга мүмкүн болгон.
