Кыргызстан менен Казакстандын саламаттык сактоо министрлери Алымкадыр Бейшеналиев менен Акмарал Алназарова кызматташуу планына кол коюшту. Бул тууралуу ведомстводон билдиришти.
Алымкадыр Бейшеналиев саламаттыкты сактоо системасын заманбап чакырыктарга ыңгайлаштыруунун маанилүүлүгүн белгилеп, кол коюлган планда белгиленген кызматташтык эки өлкөнүн жарандарына жеткиликтүү жана сапаттуу медициналык жардам көрсөтүүгө багытталган көптөгөн багыттарды жана иш-чараларды камтыгандыгын белгиледи.
Белгилей кетсек, планда биргелешкен илимий долбоорлорду, анын ичинде генетикалык изилдөөлөрдү жана саламаттыкты сактоого инновациялык ыкмаларды иштеп чыгуу каралган.
