Бүгүн Бек-Абад көзөмөл өткөрүү бекети убактылуу жабылат.
УКМКнын Чек ара кызматынан билдиришкендей, өткөрүү пунктунда жүргүзүлүп жаткан оңдоо-курулуш иштерине байланыштуу саат 15:00дөн 18:00гө чейин адамдардын жана унаалардын өтүүсү убактылуу токтотулат.
Белгилей кетсек, “Бек-Абад – автожол” өткөрүү пункту – Жалал-Абад облусундагы мамлекеттик чек аранын кыргыз-өзбек тилкесинде жайгашкан көп тараптуу өткөрүү пункту.
