Балыкчы — Кочкор темир жолунун курулушу уланууда.
«Кыргыз темир жолу» ишканасы учурда Кочкордо темир жолдун астыңкы конструкциясы жана суу өткөргүчтөр, рельс, шпалалар салынып жатканын кабарлады.
Жалпысынан 35 чакырым темир жол курулган. Жолдун жалпы узундугу — 63 чакырым.
Жумушка 100дөн ашык жумушчу жана 60ка жакын атайын техника тартылды.
Буга чейин өкмөт долбоор республика үчүн чоң социалдык-экономикалык мааниге ээ экенин, келечекте бул жолду Кытай — Кыргызстан — Өзбекстан темир жолуна кошуу пландалганын билдирген.
