Аксы районунда «Тазалык» мамлекеттик ишканасынын кызматкерлери муниципалдык менчикти жеке кызыкчылыгына пайдаланышкан. Бул тууралуу Улуттук коопсуздук мамлекеттик комитетинен билдиришти.
УКМК 2023-жылы Аксы районунун Кош-Дөбө айыл өкмөтүнүн кызматкерлери муниципалдык техниканы колдонуу менен Жалал-Абад, Ош жана Баткен облустарынын аймагында жеке коммерциялык уюмдардын заказы боюнча артезин скважиналарын бургулоо боюнча кызматтарды көрсөткөндүгүн аныктаган.
Көрсөтүлгөн кызматтар үчүн жергиликтүү өз алдынча башкаруу органынын кызматкерлери 8 млн. сомдон ашык суммада акы алышкан.
2024-жылдын 17-августунда Кош-Дөбө айыл өкмөтүнүн «Тазалык» ишканасынын башчысы А.З.Б. жана анын айдоочу-механик Т.С.А. аттуу жаран кармалып, тергөө абагына киргизилди.
Учурда тергөө иштери уланууда.
