Орусияга 2023-жылы мигранттардын агымы акыркы он жылдагы эң төмөнкү деңгээлге жетти.
Росстаттын дүйшөмбү күнү, 22-июлда жарыяланган маалыматына ылайык, өткөн жылы өлкөгө чет өлкөдөн 560 миң адам келген. Бул 730 миң адамды түзгөн 2022-жылга салыштырмалуу 23%га аз. Бул маалыматты DW жазды.
Мигранттардын негизги бөлүгүн (31%) Тажикстандан, экинчи орунда Кыргызстандан келгендер (10%) түзөт. Мигранттардын жалпы санынын 9% Украина, Армения жана Казакстанга, 4% Өзбекстанга туура келет. Мигранттар Белоруссия, Кытай, Түркмөнстан, Индия жана башка өлкөлөрдөн да келишет.
