Борбордук шайлоо комиссиясы 19-июлдагы жыйынында Жогорку Кеңештин депутаты Тазабек Икрамовду мандатынан ажыратты.
БШК Икрамов өз каалоосу менен кызматтан кетүү боюнча арыз жазганын билдирди. Борбордук шайлоо комиссиясынын мүчөлөрү анын арызын бир добуштан колдошкон.
Икрамов бир мандаттуу Сузак шайлоо округунан депутат болгон. Эми ал жерде мөөнөтүнөн мурда шайлоо өткөрүлөт.
