Кыргызстандын футбол боюнча командасы Оман менен 1:1 эсебинде тең чыкты.
Оюндун 20-мүнөтүндө топ бурчтан чыгарылып, Элдияр Зарыпбеков гол киргизди. Беттештин 57-мүнөтүндө омандыктар ийгиликтүү чабуул жасап, эсепти теңеди.
Бул Дүйнө чемпионатынын тандоо турунун үчүнчү баскычына чыгуу үчүн тайпадагы соңку оюн болду.
Натыйжада D тайпасында Оман курамасы 13 упай менен биринчи, Кыргызстан 11 упай топтоп 2026-жылкы дүйнө биринчилигинин кийинки баскычына жана 2027-жылы боло турган Азия кубогуна экинчи жолдомону илип кетти.
