Президент Садыр Жапаров бүгүн, 22-январда, Кытайдын Кыргызстандагы элчиси Лю Цзянпинди ишеним грамоталарын тапшыруу аземине байланыштуу кабыл алды.
Президент Кытай Кыргызстандын негизги соода жана инвестициялык өнөктөштөрүнүн бири экенин белгилеп, эки тараптуу товар жүгүртүүнүн көлөмү туруктуу өсүштү көрсөтүп жатканына токтолгон.
Лю Цзянпин Кытай – Кыргызстан – Өзбекстан темир жолунун курулушун ишке ашыруу бүтүндөй Евразия континентинин масштабында транспорттук инфраструктураны жана экономикалык кызматташууну өнүктүрүүдө маанилүү этап болуп каларын белгилеген.
