ТикТокто кыз кичинекей баланы тээп салган видео тарагандан кийин Орусиянын тергөө комитети кылмыш ишин козгоду. Бул тууралуу Baza жазды.
Маалыматка караганда, бул окуя Москвада 2024-жылдын ноябрь айында тартылган.
13 жаштагы кыздын атасынын досу 2 жашар баласын таштап, сейилдөө үчүн кетип калышкан. Кызга курбусу келип, ТикТоктогу трендди тартып көрмөк болушат да наристени тебүүнү чечишкен.
Видео социалдык тармактарга жүктөлүп, тергөөчүлөрдүн көзүнө илинген. Кылмыш иши козголуп, борбор калаанын Тергөө комитети окуянын бардык жагдайларын аныктап жатат.
