Жерди жана сууну көзөмөлдөө кызматы 2024-жылдын 11 айында 706 текшерүү жүргүзүп, мыйзам бузуулардын жалпы саны 1 384 түздү.
Суу ресурстары, айыл чарба жана кайра иштетүү өнөр жайы министрлигинен билдиришкендей, анын ичинде:
- жер жаатында 1010 мыйзам бузуулар;
- суу жаатында 374 мыйзам бузуулар.
Жазма буйруктар толук аткарылбагандыгы үчүн КР Укук бузуулар кодексинин негизинде жоопкерчиликке тартылган айыпкерлердин саны 456 болуп, аларга салынган айып пулдун жалпы суммасы 4 млн. 979 миң сомду түздү. Ал эми аталган суммадан 4 млн. 27 миң 680 сом өндүрүлүп, мамлекеттик бюджеттин эсебине төлөнүп берилди.
Ошондой эле коюлган доонун суммасы 9 млн. 583 миң 183 сомду түзүп, анын 4 млн 998 миң 118 сому мамлекеттин бюджетине өндүрүлдү.
