Бишкекте «Тазалыктын» кызматкерлери үчүн атайын пункттар ачылууда.
Муниципалитеттен билдиришкендей, пункттарда ишкананын кызматкерлери жумушка колдонгон шаймандарын сактай алышат, ошондой эле кыш мезгилинде жылынууга шарт түзүлөт.
Белгилей кетсек, майрам күндөрү «Тазалык» ишканасынын кызматкерлери күнү-түнү иштөөгө туура келет жана бул пункттардан эс алып, тыныга алышат.
