14-ноябрь күнү Абу-Дабиде Кыргызстан менен Бириккен Араб Эмираттарынын футбол курама командалары беттешет.
Кыргыз футбол биримдигинен билдиришкендей, беттеш 2026-жылкы дүйнө чемпионатынын үчүнчү тандоо раундунун алкагында БАЭнин Абу-Даби шаарындагы «Мухаммад ибн Заед» стадионунда өтөт.
Белгилей кетсек, 19-ноябрда Акшумкарлар өз оюн талаасында Иран курамасы менен ойнойт.
Жогоруда айтылган беттештерге даярдык көрүү максатында, курамабыз буга чейин алты күн бою Катардын Доха шаарында окуу-машыгуу жыйынын өткөрдү.
