Мамлекеттик салык кызматы «Учкун» ААКсынын отунду маркалоо оператору менен биргеликте маркалоо системасы киргизилгенден бери 105,03 миң тонна бензин жана дизелдик отунду маркалады.
Ведомстводон билдиришкендей, 58,07 миң тонна дизелдик отун жана 46,9 миң тонна бензин маркаланды.
Мындан сырткары, октябрь айында милдеттүү маркалоо киргизилгенден бери КММга акциз салыгынан 513,3 млн сом келип түшкөн, бул өткөн жылдын ушул мезгилиндеги түшүүлөрдүн деңгээлинен 117,5%га көп.
Эскерте кетсек, 2024-жылдын 1-октябрынан тартып Кыргызстанда молекулярдык маркерлерди колдонуу менен импорттолуучу жана өлкөдө өндүрүлгөн бензин менен дизелдик отунду милдеттүү түрдө маркалоо киргизилген.
Мындан сырткары, 2025-жылдын 1-январынан тартып маркасы жок бензинди жана дизелдик отунду жүгүртүүгө тыюу салынат.
