Күн мурун Кыргызстандын элчиси Руслан Казакбаев Түркиянын юстиция министри Йылмаз Тунч менен жолукту. Бул тууралуу Тышкы иштер министрлигинен билдиришти.
Маалыматка ылайык, жолугушуунун жүрүшүндө тараптар Кыргызстан менен Түркиянын ортосундагы кызматташуунун маанилүү аспектилерин, укуктук чөйрөдө өз ара аракеттенүүнү, ошондой эле сот адилеттиги жана юридикалык реформалар жаатында тажрыйба алмашуу мүмкүнчүлүктөрүн кеңири талкуулашты.
Алар Кыргызстан менен Түркиянын мамлекеттик органдарынын ишинин натыйжалуулугун жогорулатууга жана сот адилеттигинин сапатын жогорулатууга мүмкүндүк берүүчү эки мамлекеттин юстиция органдарынын ортосундагы кызматташтыкты мындан ары тереңдетүүгө даяр экендиктерин билдиришти.
Тараптар ошондой эле алдыдагы жогорку деңгээлдеги өз ара иш сапарларды талкуулашты.
