Социалдык фонд 2025-жылы пенсияны 7%га көтөрүүнү пландоодо. Бул тууралуу Соцфондун башчысы Бактияр Алиев Жогорку Кеңештин Бюджет, экономикалык жана фискалдык саясат боюнча комитетинде билдирди.
Анын айтымында, бюджетте пенсияны жыл сайын жогорулатуу каралган. “Жалпы бюджет 1 млрд. 2 млн. сомду түзөт”, — деди ал.
Алиев кошумчалагандай, жогорулатуу пенсиянын камсыздандыруу бөлүгүнө гана тиешелүү.
