Буюрса, алтын медалга бир кадам калды. Балбан кызыбыз Мээрим Жуманазарова Париж Олимпиадасында эми баш байге үчүн күрөшөт.
Мээрим Жуманазарова 1/2 финалда Нигериянын балбаны Блессинг Оборудуду менен беттешти. Финалга чыгуу үчүн спортчулар килем үстүндө болгон аракетин жумшашты. Жарым финалдын жыйынтыгы менен спортчу Мээрим Жуманазарова нигериялык Блессинг Оборудудуну 3:1эсебинде утуп, жеңишти камсыздады.
Финалда кыргыз балбаны Мээрим Жуманазарова америкалык спортчу Амит Элор менен кез келет.
