Кыргызстан курама командасынын жарым коргоочусу Гүлжигит Алыкулов карьерасын Россияда улантат. Ал Москванын “Торпедо” клубу менен 2027-жылга чейин келишим түзгөн.
Алыкулов буга чейин Беларустун “Неман” клубунда ойноп, 30 беттеште сегиз гол киргизип, үч ассист жасаган. Команда менен лиганын күмүш медалын жана өлкө кубогун жеңген.
Кыргызстандын 24 жаштагы жарым коргоочусу улуттук кураманын катарында 40 оюн өткөрүп, беш гол киргизген.
