Эмгек министрлигинин бюджети 2020-2024-жылдар аралыгында 86 пайызга өстү. Бул тууралуу Эмгек, социалдык камсыздоо жана миграция министри Равшанбек Сабиров билдирди.
“Мындай динамика мамлекеттин элге кам көрүүгө олуттуу көңүл буруп жатканын ачык айкын көрсөтүп турат десем жаңылышпайм. 2020-2024-жылдар аралыгында министрликтин бюджети 86 пайызга же 9 млрд. 319 млн. сомго жогорулаган. Белгилей кетүүчү жагдай, министрликтин бюджетинин 90%ы социалдык жардамдар түзөт”, — деди ал.
Тактап кетсек, 2020-жылы бюджет 10 млрд. 882,2 млн сом болсо, 2024-жылы бул көрсөткүч 20 млрд. 201,2 млн. сомго жеткен.
