Ташкент шаарынан кыргызстандык волейболчуларыбыз жеңиш менен кайтып келишти. Алар Борбор Азия волейбол ассоциациясынын (CAVA) чемпионатынын жеңүүчүсү болүшту.
Финалдык беттеште алар өзбекстандык волейболчуларды 3:0 эсебинде утуп алышты. Мелдештер 18-октябрдан 24-октябрга чейин Ташкент шаарында өттү.
Кыргызстандын курамасы беш беттеште жеңишке жетип, жалпы 14 упай топтоп, тайпада биринчи орунду ээледи. Экинчи орун талаа ээлеринде болду. Үчүнчү орунга Түркмөнстандын курамасы татыды.
CAVA улуттар лигасына Борбор Азиядагы жана Чыгыш Азиядагы 14 өлкө мүчө болуп саналат.
Кабыл МАКЕШОВ, спорттук баяндамачы
